جیہڑی آکھو کَھل وکھاواں
رِچھ دی شینہہ دی چِترے دی بگھیاڑ دی
ایہہ چِترے دی جے
تہاڈے ورگا سِر ہووے تے اکھاں ہوون تے باہواں ہوون
تے چِترے والی چنگی رہوے گی
جاں سپ دی پا لئو
اوہدے تے وی کوڈیاں ہوندیاں نیں
ون سونیاں میرے کول سکنجاں نیں
کھڑپے دی وی دو مونہی دی وی پھنیئر دی وی
جیہڑی پُوری آوے پا لئو
باقی جے آکھو تے کھوتے دی وی کڈھ وکھاواں
ایویں ویکھن لئی، تہانوں پُوری کِتھے آونی اے
ایہنوں آپنے آپ تے کوئی کوئی پاؤندائے
انج پاؤن نوں سارے پا لیندے جے
ہنڈدی بڑا اے نہ جی
جے ویکھنی جے کھیڈ وکھاونی نہیں
تے ایہو پا لئو
ایہہ کَچھو کُمے دی تے لے ای جاؤ
ویلے کویلے کم آوندی اے
سارے ای کھڑدے نیں