''گِنن ہاریو
دیندے آئے او چِھبیاں
'توں کون ہیں'
میں تے ہوئی ان ہوئی
کسبی تُساں ہوئے
ضرباں تفرِیقاں
جمع تقسیماں دے،
ان ہوون میرے نوں ہوون اپنا کرن دے کالھے''
''مینوں ٹور بزار ویکھ لے
ہے کوئی مُل میرا؟
توں آ نال کھلوویں دَہ ہو وَیناں''
''آہو بھائی توں انحد اِکائی مسافر
کر سفر خرچ لے ٹُرنا ایں سانوں''
''سفر کیہا تے خرچ کیہا
اوہ تاں ہویا تُدھ وسراندے اپنا نہ ہوون نھاون''
''ڈھنڈ پُرانی نہیں اڑیا گھنیئر وتر سفر لئی ٹُردے،
سُنّ بُلبلے پالاں وِچ کھڑے
گِننہاراں دے لیکھے لگ کے
اِک نُوں کھرب کریندے نیں،
نت ووضوئی
پُھٹ پاٹدے ڈھنڈ مسیتے صفاں کریندے سِدھیاں
میرے تے لگدے لانے ناہِیوں،
ایک انیک جیہڑا موہرے امام
توں ہے کہ تیرا یار کوئی
ایہہ ہُن آپ نتار''