اگے نہیں میں ڈِٹھا
نواں ای آیائے باگے بابا
گھاہ تلوار وگیندائے
اِک پَیر تے اصلوں دوہرا ہویائے پیا
کُھلی کتاب جیویں ٹھپ گھتی اے
بس ہُن ایویں ٹُھمنا جیہا ای ہے
سِدھا کھلوون لئی
جیویں چُڑمُڑ کر اخبار دا ٹوٹا بنچ پُونجھ کے سٹیا
کُجھ ایہہ ٹُھمنا کُجھ تلوار دی ٹیک جو سِدھا ہو ٹُردائے
جدوں وی لنگھاں کولوں جی کریندائے پُچھاں
‘‘کیہ گل ہوئی آہی
کار پیر توں لنگھ گئی کوئییا کوٹھیوں ڈَھے پئے سَو
نِکے ہوندیاں گُڈیاں لُٹدے
یا اُلنگھی آہی تُساں کوئی چودھر بُتی
ہُن کیہ مجبوری بنی اے ایس مجُوری دی’’
پُچھدا پُچھدا رہ جاناں
متاں سوچیں پے جائے مینوں کڈھا کے اپنا بندہ رکھاؤ اے باؤ
دل آکھدائے پُچھ نا، ایہدی کون کہانی کَرسی؟
اچیتیں گُڈی مِٹی دے ڈھیلے سجرے
گوندی تھلیوں دِسے نیں جھاتدے
لُوں لُوں دے وِچ کِن مِن اکھیاں
کنّو کَن پئی پوے کہانی
جی آہندائے سُن تُوں وی اگیرے ہو کے