''نی لاڈو لالڑیو
آکھیا کیہ اے میں تہانوں
کولوں جدوں وی لنگھناں
مُونہہ پرتا تُرت پُھرل ہو ویندیاں ہو
پَل وی رنگ نِجھاون نہیں دیندیاں
چِڑیاں کُڑیاں دا وی ایہو ورتارا ہے''
''ہوویں بھاویں تُوں مِل مالک کوئی
بھاویں کوئی پروفیسر ڈاکٹر افسر ٹھیکیدار
ہوویں پتلی کَھلّ مولوی……''
''اوہو،
محنت کش لِکھیار ہاں میں تے''
''ہووی ویہل کدے جے
گل اساڈی گول وی لیئیں
لِکھیا تینڈا چُونڈی نک نُسوار ہے''
''کیہدے''
''پڑھنہار دے نالے اپنے
سانجھ سَکھن نُوں سَکھنے ساہِیں بُہارنیاں
نشہ ہور کوئی سُنگھن اسانوں نہیں وارے
نہ ای کِسے دے ڈَھین دوارے''