لان چوں رَمدا سڑک تے آیاں
ٹریفک پھسی پئی اے،
پرت لان وِچ آ کھلوتاں
نِیدو گھاہ نِیجھیندی اے پئی
پیراں پرنے بیٹھی،
دو ہتھ لما موٹا مُٹھا
ترَے ہتھ لما جھاڑو نال،
کالا رنگ سلیٹی اکھیاں جھاڑو رنگے وال،
پُچھناں ''کیہ پئی لبھنی ایں''
''گلاں ایہناں دِیاں''
گھاہ تے لِشکدے تریل تربکیاں ول اوہ سینتر کردی اے
''کیہ آہندے نی؟'' ہس پُچھناں میں
''سُورج سدیندا ای سانوں
اُٹھو رلو رل انگ مِلاؤ واء نال
واء ہو جاؤ
سمندر اودر گیا جے،
آہنے آں ساہ لے
گل نِیدو نال کرنے آں پئے
پُچھدائی سُورج 'ایہہ کون اے؟'
آہنے آں گھاہ نال گھاہ اے''