سُنیائے مُوتر سہیئڑ1 دا
ہویائے کھاد افریقے
سہیئڑ پالن ہُن دِل لاون دا نہیں مشغولہ اوتھے
مُوتر دھار دا گِنن مِنن سرکاری دفتر کردے نیں
فرانس امریکے توں
سَند جہازاں وِچ بھر بھر پئے آؤندے نیں
مُوتر حوض تے پمپ تے نِک سُک
تھاں تھاں سہیئڑ گھر کُھل گئے نیں
خاص خوراک دِیاں فیکٹریاں وی لگ گئیاں نیں پِنڈ پِنڈ
کِنے لِٹر دیہاڑی کوئی موتردائے
صحت صدق سہیئڑ دا ہُن ایہو پرتاوائے2
اوہناں وِچ وی سُنیائے
تھاں تھاں کُھسر پُھسر پئی ہوندی اے
کڈھ سرُنگ سمندراں ہیٹھوں
ونج پتالِیں دَھول نوں مِلیئے
سِنگ چھنڈ ہُن وِیر بتھیری ہو گئی او
1 - سہیئڑ: خوگوش- 2- پرتاوا: پرکھ، ٹسٹ-