اکھراں نوں اکھر
لفظ لفظ نوں
تانگھے بول نوں بول،
اُٹھدِیاں چِنگاں
ڈھلدِیاں کنِیاں
وائیں ہُلردیاں رِزماں اندر سردی ویکھو
رل اُپجن دی ٹوہ
اِک توں لکھ تے لکھوں الکھ ہو جاون دی جوہ،
دیہہ دیہہ دا میل اُپاوے جِیا جنت دے سانگے،
پر جُڑت تانگھ جد لاہے دی بھُکھ ہو دھاوے
میل کمیل ہو جاوے
تاں سمجھو
اگ واء پانی مِٹی اگاس دی مُکی کہانی
سُنّ پریتی سُنج ہوئی
اگے ٹُرو ہُن شیخ جی،
چلو عُذر کیہ سانوں
اِنج ہوئی کہ اُنج ہوئی