فرید بھنڈار

اسّو چڑھیائے

ٹَلیائے ہُسّڑ

کنِیاں لہہ پئیاں نیں گِن مِن پب دھریندیاں

دُھر اسمانیں رمدیاں اِلاں 

ڈھلیاں نیں جھپ جھپ

بہہ گئیاں نیں سنگھنیاں پَتراں چ اوہل بھال کے

چِڑیاں پچُھدیاں نیں

‘‘مائی جی

کیہ اپر ڈِٹھا جے’’

‘‘دِھیئے ایہا جو ایتھوں اِک دِسدائے

تے لکھ ہو لہندائے پتراں تے’’

چِڑیاں کِھلدیاں نیں

‘‘تائیوں سڑکاں تے اِک ہو وگدائے’’

‘‘آپ سیانیاں ہو تُساں اَڑیو

اساں کیہ دسنائے تہانوں’’