''تینوں توڑ تاں لِیتا میں
لَپٹ سوہل خشبو دِی نک نوں لاون لئی
مینڈے پھُل موتڑیا
وت وگوچا لگا
لگا رہویں ہا نال ڈال دے
چھوہ خشبو ونڈ آئی گئی نوں
سُک جھڑ ونجیں ہا
نواں ہو آون لئی''
''وگوچا تینڈا
لاہندا دِل مینڈے دا بھار نہیں
سیانیا بھولڑیا
سار مِٹی دِی
اساں تُساں جگ اُگیاں دِی ہے جو ساہ سَت ستیا
نہیں آپنے آپ چوں آؤندی
بھوئیں جدوکی آپو اپنی کر تُساں گڈیاں بُتیاں
پئے تروڑ ہور نوں سنگھو
ایہہ اوہ مہکار نہیں