لفظ اساڈے بِھیڑے بوہے
جھیتاں تھانیں رنگ سینتاں
بوہے بھیڑے ای رہن تاں گاہك دا شوہ پرتیتے
لفظ كھلن تاں كھلن پئے
لفظ اساڈا سُن ماس
گاہك دی اكھ سنہرا
ناسیں مشك دی كنڈی
پانی اكھیاں گاہك دیاں
لفظ گلكڑی وچ پتھراون
تاہیوں دیہاڑی پگے
لفظ كھلن تاں كھلن پئے
لوگڑلیراں
اندرلے دے سكے مونہہ وچ آدھردے گرِیس لبیڑے بُجے
لفظ كھلن تاں كھلن پئے
پونا كالم میٹرتھڑگیائے
چاء سگرٹ چاء پان پشاپ
یاں باہروں آوے كوئی
گلاں گلاں وچ مارے دھکا
کھڈے لائنوں کڈھ وگاوے ڈبا مال دا
چاول ہوون کے چُونا ہووے (لوڈ ان لوڈ)
ساڈا کم اے ایتھوں چکنا اوتھے دھرنا
اساں نکے مہر نوں بھر دینی دو نالی
چور مرے کے سادھ مرے (لوڈ ان لوڈ)
ساڈا کم اے جوتھاں ویہلی لبھے بھرنا
اساں وڈے مہر نوں بھردینا سُوٹا
سج پرنائی کواری ساڈی ماں جائی کیہڑی
لفظ کھلن تاں کھلن پئے
اساں لفظ لکھے نیں لیکھ نہیں لکھے
مُکی سیاہی
ٹیوب دبائی بھر گئی
لفظ جلیبی بن بن لتھن
تیل بگانا
ویل بگانی
پونجھن والے جو کجھ ہتھ مونہہ لگیا پونجھن
ہٹیاں اُتے لگے تولیے
ورھے چھماہیں دھپ جاندے نیں آپے