اوہ وی اساں ہاسے
دھوئیں ونڈدے آئے سہیلیاں نوں
ویلا ہور ہویا
بُک ٹھنڈڑا اساں پیایا حُسین دیاں بیلیاں نوں
اج ہور ویلائے
جِتھے بس اڈا اُتھاں ٹھاہر ساڈی
کوئی پنج کوئی دس گلاس دے دئے
کوئی پی کے اکھ پرتاء جاوے
چِھلوں ڈب سہیڑدے ہتھ آکھن
بھائیا اوہا ای ایں تُوں کہ ہور کوئی
وت نِیجھ پُھرے
اکھیں چڑھدِیاں لہندیاں وِچ کِتے
کوئی تک سنیہڑے آس دے دئے
ویلا آونا اے
ایویں جیٹھ تے ہاڑ دا زور ہونائے
ہتھ ایہا نیں پانی نہیں ایہہ رہنا
پِیون ہور پیاون وی ہور ہونائے