آہو مالکو
اسیں تے کولے ای ہاں
کڈھدے او تُسیں اسانوں کھٹ بھن دھرتی چوں
اپنی کھان بناؤندے او،
اسیں تے کولے ای ہاں
آہو مالکو
بھا اسانوں لاؤندے او
سٹور انرجی تہاڈی دا جو ہوئے سدا لئی،
نہیں مالکو
سدا لئی نہیں،
ہاں کولے ای
بلن اساڈی ستیا ہوئی
بل کے ساڑ دیوے جو سارا،
ہاں کولے ای
سرپر ساڑ دینا جے واڑا دھرو دھگان دا تہاڈا
اتے سڑ سواہ سَو اساں ملامت ہونا جے،
بلنا اسیں تے ہویا جد تائیں
کھان مسان نہ ہو جائے تہاڈی،
بل کے سارا بالن کرن ہوئی ستیا اساڈی،
آہو مالکو
اسیں تے کولے ای ہاں
تہاڈے
اوزے کراوِیرِن ہا
(موزمبیق)