کیہ دَسدی اے میرے ہتھ دی ریکھا
لئو جی ایہہ لکیر تے دَسدی جے جو پچھلیاں تہاڈے نال ورتیاں
ایہہ دَسدی جے جو اجکل تہاڈے نال پئی واپردی اے
تے ایہہ جے ہونی ہوراں والی کاڈھ
جے آکھو تے تریوے پھول کے اگے رکھ دیاں پِیر اُستاد دے حکم دے نال
فیس میری جے پنج روپیئے
تہاڈے اگے جھوٹھ کیہ ماراں
روٹی کھان دا حیلہ جے
جیویں رُکھ دی کَھل تے لیکاں ہوندیاں نیں
بندے دی وی کَھل تے لیکاں ہوندیاں نیں
ایہہ جنگل دیاں واٹاں نیں
ایہناں نہ کتوں آونائے نہ کتے جانائے
لئو اِک روپیہ سر دا صدقہ تلی تے رکھو
سِیساں دیاں گے