سانجھی مِیٹ تے سانجھی دائی
ایہہ کیہڑی کھیڈ دِیاں نیں رمزاں
جِس وِچ ساریاِں رلیاِں
کُجھ بَھون چوں نکل پندھ پئیاں
کُجھ پا تریکاں لمّیاں اَج پرت بَھون ول رہیاں
گُجھیاں سینتاں نال کہانی پاوندیاں
وادُھو گل نہ ویہل نہ کائی
پل دا پل مُونہہ میل کے سیدھ وکھاوندیاں
کس گُجھے دھڑے دِیاں ورکر نیں ایہہ
بھرے بزاراں تھانیں لنگھدِیاں
اندر و اندر سِر سُٹ کے کم لگیاں نیں
وکھو وَکھ پلاٹ الاٹ کرا کے کیوں نہیں رہندِیاں
اُچیّاں سکولاں اندر مُنڈے پڑھنے پاکے
اُچیّاں گھراں وِچ دِھیاں ویاہ کے
سج بن کیوں نہیں بہندیاں
کیہڑا رَبّ ایہناں لبھ لیائے
جیہڑیاں ہوئیاں سُدائناں پِھردِیاں نیں