فرید بھنڈار

نینہہ ہے نہل نہال،

سُنّ توں وکھ تھی

اِک انکڑا وکھّر دا ہویا

ساہویں بِندیاں کِیتی آیا ڈھیر،

گھاٹے گھٹے نہیں

وادھے ہو ہو اصلوں نکُھٹی آئے نیں،

وِچ اِکائی ترِیج ہی ست ہے

نینہہ کھیڈیندا اے حال

نِہل= 1) نہلا (نَو) ہوون دا کرم (عمل)، نَو ہوون دی حالت، 2) دریا دے بیٹ وِچوں نِکلی بَھل رَلی زرخیز زمین (PL)، 3) نہی، ناہی، نفی، نگیشن- نِہال= 1) بہوں خوش، 2) سرسبز، نَوبرنَو، سَجرا ہوون- سُن= 1) صِفر، زِیرو، 2) اَہوند- وکھر= 1) وکھرپ، علیحدگی، 2) سَودا، راس، کَیپیٹل، وکاؤ مال- بِندی= 1) صِفر، 2) تِلک- نکُھٹن= گواچن، نُقصان- ترِیج= 1) تیسری، 2) دوہاں دے مِلاپوں اُگھڑی اصلوں نویں حالت- ست= 1) 7، 2) ستیا، 3) سچ، 4) دان، 5) تت، اصلا، اَیسنس-

حال= 1) موج انند دی انوکھی حالت، 2) ہُن، حاضر ویلا-