گوڈے جُڑ گئے بَدّھے گاہک اُڈیکدیاں
اساں جیہڑا سودا لایا ستا ہو گیا
باہر اکھاں تکڑی ہوئیاں
گھڑیاں تولیئے
وچ گیڑ دلیلاں گُمّے
مِٹھڑا بولیئے
باہر فُٹ فُٹ زِویں دی بولی
سَرئیے سِرمَٹاں
وچ نانک شاہی اِٹّاں
کھوہ ڈراونے
بلڈوزر' کندھاں پِلیاں جھوٹھے ہتھ پَیر
سِلّھ گوہ پرانی موری موری سَرکدی
باہر جھٹ جھٹ سائرن کُوکے
کدھرے اوہلا نہ
وِچ رَج سیاتیاں شکلاں کجھ کجھ اوپریاں
بھلا اشتہار نوں دل دا محرم آکھیئے
ایہدی بَل بُجھ خبرے جَھسّے تلیاں آس دیاں