چِراں پِچھوں اج مِلیائے سلیٹی بِلّا
بھارا جیہا کُجھ ہویا لگائے
جیویں امرِیکیوں پرتے جی
کُجھ شکل ہور جیہی کر نہیں آوندے؟
اگے تے مینوں گھسڑ لتاں نال مِلدا ہا
اج دُوروں اُباسی لے مُونہہ موڑ گِھداسُو،
کِسے ملٹی نیشنل وِچ متے نوکری لبھ گئی ہووے
چُوہے دیسی پکڑ ٹرین کراون دی،
سُوہ لاون لئی:
''کھادا پِیتا لاہے دا''
گِھندے نیں کِنّا کون کوئی،
تے ''رہندا'' سُنگھن دی
سِک کِنیاں وِچ رہندی اے
1۔ کھادا پِیتا لاہے دا- رہندا احمد شاہے دا ]احمد شاہ ابدالی دیاں حملیاں وِچ جُڑے لوک بول]-
2۔ کھادا پِیتا جان دا- جو رہندا سو خان دا