فرید بھنڈار

جوڑک1 تے کِھڈکار کھیالی2

گاونہار تے چِترکار3

ایہو ای آکھن

''جو ہاں اوہا ای رہنا اے اساں

نہ سُلطانی راج گِیری دے پھُمن ساڈیاں سِراں تے لاؤ

نہ اُلیائی4 سنت مہنتی گہنے سانُوں پواؤ''

اساں ٹھوکی سگوں ہور ٹھوکائی

''حضرت تُسیں سرتاج

سِر تے تہانُوں چا اساں

کیتی پِچھلی پئے بخشاونے آں''

پتہ ہا سانُوں اوہ تے پیدل پئے بھوندے نیں

اساں ایکسپریس

اِنٹر سیکنڈ فرسٹ کلاس

1- جوڑک= جوڑکار= شاعر- 2- کِھڈکار کھیالی= ڈرامہ کھیڈن والے؍والیاں-

3- چِترکار= مصور، چِتر (تصویر) بناون ہار- 4- اُلیائی= اَولیائی-