فرید بھنڈار

اسیں مَل1 ویہاری2 بہشتی حُوراں

نہراں مکِھیر3 دِیاں

وِچ ڈُبکیاں 4 مارن دِیاں مجبوراں 5

جِینزاں 6 پہر7 فرشتیاں ساہویں

ٹہل پُٹھاں 8 مٹکاونیاں،

صوفیاواں 9 نُوں

عُلماواں نُوں

سرکاری رُتبیاں 10 دی

درجے بندی نِبھاون11 دے

دیونِیاں 12 ہاں عِوضانے13،

1- مَل: مِلکیت، مالکی، قبضہ-2 -ویہاری: ویہار دا، ویہار دِیاں (ویہار: ورتارا، سسٹم)-

3 -مکھیر: ماکھی، ماکھیوں، شہید، ہنی-4 -ڈُبکیاں: جمع ڈُبکی (غوطہ)- 5 -مجبوراں: جیہڑیاں مجبور نیں (ڈُبکیاں مارن لئی)- 6 -جینزاں: تنگ پتلُوناں، کَسیاں ہوئیاں - 7 -پہر: پہن کے- 8 -پُٹھاں: لَک، پِٹھاں - 9 -صوفیاواں: صوفیاں نُوں (ایہہ جمع دی جمع اے لوک بولی وِچ جیویں ”عُلماواں“ اے)- 10 -رُتبہ: 1) مرتبہ، 2) عہدہ-11 -نِبھاون: پورا کرن-12- دیونِیاں: دیندیاں -

13 -عِوضانہ: کمپنسیشن، ویج، سیلری، مزدوری، تنخواہ (کِسے کم دے بدلے دِتی چیز، رقم)-

سِراں تے ہتھ پِھراون دے

دھر خانچیاں 1 وِچ بہانے،

گُجھیاں 2 انگاں 3 دا رِدّھا4 حلوہ

پئیاں کھواونِیاں،

دینہہ5 دی ڈیوٹِیوں 6 ہو ویہلیاں

پہر وردِیاں ڈائیناں 7 دِیاں

دوزخِیاں دی لین خبر

اسیں جاونِیاں،

سوہنیو لاڈلِیو اخبارچِیو8

بہو9، مانو10 اکھید11 اِتھائِیں،

لا لؤ گُھٹ تُسیں اَمَل12 حضوری13

چَکھو چُونڈھی14 لگُوندک15 چُوری

پرت اسیں آونِیاں

1- خانچہ (خوانچہ): وڈا تھال- 2 -گُجھیاں: ڈھکیاں، لکایاں -3 -انگ: عُضو، اَورگن- 4 -رِدّھا: رِنھّیا، پکایا- 5 -دینہہ: دِن، دِہاڑ-6 -ڈیوٹِیوں: ڈیوٹی توں - 7 -ڈائن: بلا، چُڑیل-8 -اخبارچی: جرنلسٹ، اخبار نوِیس- 9 -بہو: بیٹھو-10 -مانو: سُکھ دا سواد لؤ-11 -اکھید: خوشی- 12 -اَمَل: نشہ-

13 -حضوری: حاضری- 14 -چُونڈھی: تھوڑا جیہا- 15 -لگُوندک: لگُوند والی، (لگُوند: 1) رشتہ،2) اوہ لاون جیہڑا بُھکھ ودھاوندا اے)-

دوزخی درویشاں دا

تے باہر کچہریوں

کَھل1 نِستوک2 اُڈِیکدیاں دا

پُورن3 حال احوال

تُسانُوں آن سُناونِیاں

1 -کَھل: کھلو کے- 2 -نِستوک: فیصلہ، ورڈِکٹ، نبیڑا- 3- پُورن: مکمل-