گھت گلوکڑی ہِک دُوجی نُوں
بدلیاں سنگھنیاں ہوون پئیاں:
نچ تریاں اساں نِیل سرووَر
پِنڈے چھنڈ چھنڈ پرِتھمی وتری،
آہندی اے ''اڑیو ہار گئی ہاں
جم جم دب دب جیوندے جیوندِیاں،
مَل ماراں دی ہیڑ نہیں کھیہڑا پئی چھڈدی،
جیون ایہناں دا مینوں مار مُکاون ہے،
پُوج بیٹھی آں دان تُساڈا''
اُڑیاں اساں جاں
اُگھڑ مِلی اے،
''نی مینڈیو لاڈلِیو
میں بھُل گئی
مویاں دی بولی نال تُساڈے پئی بولی،
وَسیاں ہو وِچ تاں جِیبھ نُوں سجری جاگ لگی اے،
جیوندِیاں مینڈے اندروں
ہو ست رنگ نِسریاں نیں''