"گالھڑ جی
پکی سڑک جے
پیاریو مِدھے جائیو نہ"
دونہہ پیریں کھل پل اوہ مینوں ویہندائے
"آ اک دوجے نوں پار کرائیے نظر دھیان دی دھر کے"
سڑک پار کر میں سجے اوہ کھبے ہویا اے
پرت میں ویہناں
اوہ وی پار کھلا مُڑ تکدا اے مینوں
"پکی سڑک جیہنوں آہنائے بیلی،کچ بھڑکی دی بھاجڑ ای
آر پار نہیں ایہدا
آپ پائی او صدیاں لاکے،
پُوچھ میری نال چِتر بنیندا آئیوں توں مُغلاں تُرکاں دے
جھٹ ہُن لگسی آ
کر ویکھ بُہاری ایہنوں
پکیاں جائیں دی ایہہ بھیتن ہوئی پُرانی"