تیری تک والا روں کل ہویائے آر پار
کون جُگ ہا ولائیاں جتھوں توں
ماسٹر1 گھمیاں
بول وی تے سہی
کہ پیو ہو گیائیں
ماواں ماسیاں دی ونڈ وی تے پیہن اے مہین
پوری پوری دی اے کھنڈ
دیوراں سالِیاں دی ونڈ
جیویں میلیاں بھنڈاریاں تے تھالیاں دی ونڈ
ماسڑ گھمیاں
بوری باہرلی دی گل نہیوں بھلدی
''کیہڑی سادھ کیہڑی چور
اڑیا سُتھناں چ بھیت نی گھرہستناں دے
ساڈا بھیت کتے ہور''
ماسڑ گھمیاں
لُڑھ گیا ہا می کَل میلے تے
نہ ٹوکیں ہا جے توں
ڈھول تیرا ای وگایائے میں مڈھ لاء
پیو دی پوہی نہمی وَگ سوڑی
تیلا ہکا میرا لگا اے بے تار
تینوں پُڑیائے
1- ماسی دا خاوند
میرا کھیڈدے دا ہتھ رُک مُڑیائے
کہ بہشت ہا
جَھٹ بُھلیاں کڈھائیاں جتھوں توں
آن کڈھی اے میں کان
وان بُھل والا وٹ کے میں جُوڑیائے مہاڑ
رہیاں توڑ ساودان
توہیں دس‘ بُھل سَون اے کہ جاگ گَھمیاں
کیہڑا میرائے کیہڑا تیرا ڈھول
بول ماسڑا