''نی کھٹِیے نِکیئے جیہئے
ایڈا بھار تُوں سِر تے چا کیہ اوڑک کھٹیا،
وٹیا کیہ لتھ اچاریں ساڈے
کیہ تینوں سَداں نی رئینے جَٹیئے''،
''رُکھ بُوٹی سد مائی
ایہو اساڈا ہوون ہے،
بِیؤں چائی کھٹیائی
مُڈِھیں سمو چڑھائی سار پروار
نِتر وِتر سُگندھ تھئی رُتو رُتِیں
پِنّی وَسّ رچائی،
تُساں اچارو
کھٹ مِٹھیارو
اساں تروور
کھٹن وٹن نہیں آہر
نہیں تُلن مُلن ویہار،
نِک وڈھ ساڈی پرکھ جوکھ نہیں
گھٹ ودھ اساں بندھیج موکھ نہیں،
تُساں گِنو سانوں وکھ وکھ جُوناں لکھ ہزار
اِکو اساڈا مرن جیون جے
نہ کوئی جِت نہ ہار''