نال گوانڈھی بالاں دے
کل چِڑی گھر ہو آئی آں
کول کھلو ہاتھی دے
بات میں پائی
وےیارا
خلق دیاں چوراں نے تینوں
اپنا سنھ ہتھیار چا کیتا،
لک تینڈے تے ڈاہ عماریاں
حُکم اوہناں اسمان چُھہائے،
محلاں ساہویں دھکے دھگان دا جھنڈا کر تینوں گڈیو نیں
ہُن اجوکے مُوڑی مُوڑھے
چِڑی گھراں وِچ تینوں پھیر کے
چڑھ تینڈے تے چَس شاہی دی گِھندے نی،
تُوں میں جھلاں دے جم پل ساتھی
اُدھل ونجیں نال جے مینڈے
بھیتل کھیڈ بنائیے
پاہ تینڈے دی من وِچ پتھی
تھپاں میں تینڈے تن پاتھی
توں سُکا لاہ ڈھیر کریں
دھرو نُوں ساڑ سواہ کرن لئی
بھوئیں تے مُکت اُدھار سَرن لئی
بھاء اچرج دُھکھائیے