جھگ نُوں خبرے کاہلی کاہدی ہوندی اے
متے ایہو
چھلّے مینڈے سُک مُک نہ ونجن
بُھڑک اگیرے تھئی اے
پِچھلیاں لِکھیاں نُوں وی
اپنا میک اپ کرائیوس:
”تُساں ساد مُرادیاں جگ نُوں کوجھا1 کر کھلیاریا اے
لؤ ہُن سوہنِیاں ہو گئیاں ہو
مہیں والاں نال بُڈن2 نہیں ہُن کم تُساڈا
سَوہریاں دِیاں چڑھ بگیاں
چنانہہ نُوں پار کرو
عزت بیگاں دی عزت دُھماؤ
پیو دے سارے3 ساجے4 گھڑے
ویہہ پنجی گُنا
مُل ودھا کے منڈی دھراؤ“
1- کوجھا: بدصورت- 2- بُڈن: ڈُبن- 3- سارے: بنائے- 4- ساجے: سجائے-