پُھل گملے وِچ لگے ہوئے نیں
اِک کِھڑیا
دو ڈوڈی ڈوڈا،
پانی لوڑیندا روز سوَکھتے مِل ویندائے
گوڈی رنبہ آن ویلے سِر ٹوہ لیندائے،
نِکی جیہی ایہہ بُوٹی کِتھاؤں آ وِچ لگی
تَن تے کنڈے بے ملومے
پتیاں کھرویاں نِیلک بھریاں،
ڈوڈا اُڑ اوہنوں آہندائے
پتہ ای کتھے آ گئی ایں
مالک مالی تینوں ہُنے سٹیندا ای پٹ کے،
پباں بھار ہو آہندی اے اوہ
پچُھن ایہو تے آئی آں
کِتھے آ گئے او
جِتھ نال تہاڈے ہو کھلو کوئی سکدی نہیں