فرید بھنڈار

''ہتھ تے کر کر گَھس گئے نیں''

''تے کرنوں نانہہ تُساں کیوں نہیں کریندے''

''نانہہ کرن لئی

اپنا آپ سمھالن دا جتن وی کرنا پوندا اے''

''تے کرو نا''،

''جیہناں نال ٹکرانا اے اسیں نانہہ کر کے

جِیون دی ڈوری اوہناں دے ہتھ اے،

سو کھاون پِیون کیویں ہوونا اے،

رہنا کِتھائیں اے،

ایہہ پُواڑے سِر تے آن کھلوندے نیں''،

''جیہڑے وی حِیلے وسِیلے ڈنگ ٹپاونا اے

اوہ آپ اُتھَلّ دے آہری ساکُوں کریندا اے،

نانہہ ای ہاں بن

ساڈے موڈھے ہتھ دھریندی اے،

گھسیاں ہتھاں کُوں شرم1 دا رس پیال

نواں کریندی اے''

1- شرم: 1) گھال، محنت، جتن، 2) اُدّم، 3) سُکھ، انند، خوشی-