بُڈھے وارے
کوٹھیاں اُتے بہہ وگائے اِک دُوجی ول میہنے جاندے نیں
جوانی وارے
میہنیاں دی تھاویں
سونے رُپے دے گہنے گھڑا کے
گل بانہہ باندھے پا کے
مَلّ بزارِیں سج وکاوُ کر نارِیں بہائیاں جاندیاں نیں
گاہکاں اگے ویچ ویاہیاں جاندیاں نیں
گہنے میہنے ہوندے تے وِچوں اِکو ای نیں
ویلے نُوں پُگدا رُوپ وٹا کے نار نُوں اوہدا تت بُھلاون
اندروں اُٹھدی کال دے ڈھائے چڑھنوں ولاون والے آہرے جُٹدے نیں