''بُوتھا تروڑ تُسیں کیوں اکھواوندے او''
''ٹِیم اے ساڈی
مَیچاں وِچ نہیں ویکھی تُساں؟
آہو، ہور وی ٹِیماں نیں
لک تروڑ تے لت بھنّ،
سِر کھول تے بانہہ اجوڑ وی''
''ایہا جیہے کیوں ناں تُساں رکھے ہوئے نیں
آپس وِچ نہیں یار بھرا؟''
''ایہہ تاں کِھڈار ہوئے
شرطاں لواوندے لکھاں دِیاں،
ناں ناواں کماوندے،
اَلّاں جیہناں دِیاں ایہناں ناں بنائے نیں
اوہ ہور نیں''
''کون نیں، انسان نہیں اوہ؟''
''کیہ پئے کردے او،
اوہ تے ہِیرو نیں تاریخ اساڈی دے
اوہناں سُورمیاں دے سِر تے ای
جگت کھلوتا ہویائے اساڈا''