فرید بھنڈار

اَنگلاں تینڈڑیاں

باہوڑ چرکھّڑے چھیڑے

بکھیڑے وِسر گئے،

پاندڑیاں

چُم پوٹا ترکلے چڑھیاں

دھاگہ ہو ڈھلیاں،

پندھ دھاگے دا دھاگے اندر کتیجا

دھار اُدھار تھیا،

کیہ اُنیجا، کیہ سِپیا کیہ پاتا

تن من مانی سواہر تاں جاتا

’لانبھے کِیکن رہیے

ہُن تے آ گئے آں‘

اَنگلاں = اُنگلیاں (مھاڑی اَنگلی کریندی پیڑ- چَھلّا مھاڑا کِس گھڑیا)- چھیڑے= چلائے-

بکھیڑے= پُواڑے، جنجال، رپھڑ- پاندڑیاں = پاندِیاں = پُونِیاں - ترکلے= تکلے اُتے-

اُدھار= آزادی، کُھل، موکھ- کتیجا= کتیا گیا، کتیا ہویا- اُنیجا= اُنیا گیا، اُنیا ہویا- پاتا= پایا، پہنیا- سواہر= 1) سواہرا (اِکو جیہا پدھرا) ہوون کرن دا عمل، 2) اِکو جیہا پدھرا ہوون دی حالت-’لانبھے……‘ ''جوابی چِٹھی بھگت سِنگھ دی، اِک سُکھالے جماعتی دے ناں'' وِچوں