فرید بھنڈار

بِندی دے جائے پالے سمھالے

گینتلے1

ہِندسے جیہناں نُوں اُردُو والے آہندے نیں،

بَوہتا تے اجکل

وادھ گھاٹ دی گین لئی ورتے جاندے نیں،

گھنی رُجھ تے ایہو ای اے نا اوہناں دی،

پر جِس ویلے ہوون ویہلے گھڑی

تاں آپو وِچ

کھیڈاں نویلیاں کھیڈیندے نیں،

ترَے دو دے

پنج چار دے

ست چھی دے

نَوں اٹھ دے

اندر اِک کھلہار کے آہندے نیں

ویکھو

ساڈے اندر تے ایکا اے

ساڈی ونڈ نہیں ہو سکدی،

نینہہ ویاہی رنّ

رنڈ نہیں ہو سکدی

1- گینتلے: ہِندسے (..... 1, 2, 3, 4. 5)، ڈِجٹ، نمبر-