فرید بھنڈار

''گل سُن کے چُپ کیوں کر رہیوں''

''کیہڑی''

''سِیروری دی''

''اَوکھا کم ہا''

''تُدھ سَوکھ چُنی؟''

''آہو''

''اندر پُواڑا کوئی نہ بنیا؟''

''کیہ دساں''

''کیوں،

دس، اسیں کِسے نال نہیں کرنی''

''اندر اندر رہیا ای کوئی نہ''

''کیہ ہو گیا''

''مندر''

''کیہدا''

''پُوجا پاٹھ کراونہاریاں مَل واناں دا''

''پواڑا؟''

''وس ہووے تے ڈھائیے ایہنوں

بھوئیں دی مُکتی ہووے

نالے ای اساڈی

بھوئیں واساں دی''

''وس تے ہویا کوئی نہ''

''تک اوہدی نہیں اکدی تھکدی

ہر پل نوِیں ہو رسدی اے''

''ساری گل کیویں کھول دسی او،

جاپدا اے سار اے تینوں

اندر میرے وی مندر مَل دا

ڈَھے الوپ تِھیون تے آیا ہویا اے''