فارم اپنے وِچ
شُغلِیں پَٹھّے پیا کُترناں
اِک دم کار کوَلّی لگن لگی
ایہہ پتیاں
ہریاں سریراں اُتے ادِسنے وال
اندر انند اوہ ہوون دا جو ہے نیں
سُنو نا کیہ پئیاں آہندیاں نیں:
ایہہ بندہ کیوں پیا وڈھدا اے سانُوں؟
آپ ایہہ اوہ نہ ہو سکیا جو اندر پکایا ہاس
اوہ آس وگوچا ہو اچیت وِچ لہہ گئی
ہُن تائیں اوتھے لُکی بیٹھی اے-
اپنے نہ ہوون نُوں مانن لئی
ایہدے کول
ہُن دُھوں دُھما کے کُل نوں انہوند نگر کر دیون توں اَڈ
کوئی چارا نہیں