کیہ پُچھدے او
سانوں ویکھ کے ٹؤنک ٹؤنک نہیں رجدے
اکھے ‘‘پٹے ایہناں گل پے گئے نیں
ویکھو گِچیاں گھسیاں’’
دَسّے کون اوئے پہریدار دی وردی اوہدی پتّی ہوندی جے
جَت لا کے اساں شیر ببر نہیں بننا
چڑیا گھراں وِچ پنج ست جیہڑے رہ گئے نیں
سڑدے جے ایہہ گشتیاں گنڈھ دھریکے شریکے ساڈے
بَھونک پُرانی سُنن نوں جلسے کردے جے
بندہ پُچھے جے کوٹھی وال نہ رہے
تاں وردی ساڈی لتھ تہانوں پے جؤُ؟
راتب ساڈا تہاڈی میز تے بہہ جؤُ؟
بندہ پُچھے اوئے جھلیو
جے مِلکھ مالکی کُل جہانوں ڈھے گئی
تاں سڑیا سٹیا سُنگھن ٹُھنگن
کیہڑے امریکے جانا بنُو تہاڈا