لِکھن واہن ہُنر جیہنوں آکھنے آں
کدیں کھوہ1 پہاڑ وچ لِیک وگی
کَنّیں بول ڈھلے رُکھاں پکھواں دے
ہتھ سُر ہوئے پیریں تال لگی
ڈھول سانجھڑے آہر دا ماردیاں،
وارا ہور ہویا
پیر ساڈے بدھی چال گِجھے
ہتھ سائیاں دی سیپ سنبھال گِجھے
نِرت ڈھیر ہوئی چودھر کوٹھیاں وچ
بھار منڈیاں وچ اُتاردیاں،
وکھو وکھ ہو بہن اِنکاردیاں لِیک لگدی تگدی جگ پوسی
بول بول اندر لوء لگ پوسی
ہتھ پیر چھوہ آکھسن ہِک بئے نوں
وارا ہور ہویا