فرید بھنڈار

دِل جوڑی دی لَے تال

جاں وِچ ناڑاں دے لہندی اے،

لُوں لُوں وِچوں شُرتِیاں سَر سَر

ویلے نُوں ویہل کریندیاں نیں،

جُگ جُگ پئیاں میل تریڑاں

سُر سُرت کر دیندیاں نیں،

تاں ہر دیہہ تھی وَیندی اے سو

جو اصلوں اوہ ہوئی:

سنگ سنگیت دا اَنہت سَت اَننت سرووَر،

چار چَوفیریوں لاہ لوبھ دیاں ٹھاٹھاں دے

''میں'' مَلّ وٹّے رَسّے

اپنی کِھچ کَھس نال ای گَھس ترُٹ وَیندے نیں

اننت= بے انت- سروور= وگدا پانی، سمندر، دریا- ست= 1) سچ، جو حقیقت ہے، 2) دان-

انہت= سٹ لاون باجھوں ای نِکلیا سنگیت- جوڑی= طبلے دی جوڑی- شُرتِیاں = سُراں دے مہین رنگ- سر= چل کے، سرک کے- میل= جوڑ کے، مِلا کے- سُر کرن= اصل حالت وِچ لَے آون- لاہ= لاہا، منافع- ٹھاٹھ= 1) شان، رعب، ٹوہر، 2) سجاء، 3) سانجھے سُراں دا گروپ-