فرید بھنڈار

ٹِچکر جوڑکاری دا انگ اے- کافیاں کتاب دا ناں ویکھو- ایہہ ناں آپ وی ٹِچکر اے، اوہناں سیانیاں دی پڑھنی تے جیہناں چالو ویہاری ارتھاں دے اندر مُونہہ سِر ولھیٹے ہوئے نیں -

کافی تے کاو ہے، کوِتا، نظم، گیت- ایہنوں عربی لفظ قافیئے نال جوڑ کے سیانیاں کافی نُوں اِک ٹُھکی بدھی بنتر بنا دِتا اے- اِک ویہاری سمجھ (بے سمجھی آکھو) نال مڑھ دِتا اے- ہُن صُوفی دا ٹھپہ لا کے اوہدی پڑھت کرائی جاندی اے نویاں پڑھیاراں کولوں - کافیاں کتاب دے مُڈھ وِچ ای ایس چالُو پوکھے اُتے ٹِچکر اے:

آؤ آؤ شَوہ عنائیت سائیں

پر ویکِھیں، سانُوں رائِیاں والے ہتھ نہ لائیں

تے اگے ایہہ ٹِچکر لہر کِتے مہِین کِتے موٹی، کافیو کافی پسردی سُنگڑدی گئی اے-

ٹِچکر پرتاں دا نکھیڑواں ویروا پڑھنہاراں دی کرت اے- ٹِچکر دا سانگا ٹوک نال تے ہے ای- پر ایہہ سانگا گُجھ کُھل دیاں کئیاں اٹکلاں اوہلیوں اپنا وکھالا کریندا اے-