فرید بھنڈار

رُڑھ رُڑھ وسدا آیا جے ایہہ جہان

اکھاں دینہہ پر رات

اَلکھاں 1 رُنیاں 2 نیں،

کیہ پیا ہوندا اے ایہہ

کریندے کون نیں پئے،

اتے ایہنوں جریندے3 کون نیں پئے

سُوہ4 ایہدی

کُجھ نا کُجھ تے سبھناں نُوں ہوسی،

پچُھن تے بندا اے

ہر جی دا اپنے آپ نُوں

جِیونے آں اکے مرنے آں پئے،

کر جو سکنے آں

کرنے آں پئے؟

1- اَلکھاں: جیہناں دی کوئی خبر کِسے نُوں نہیں (لَکھن: ویکھنا، جاننا)- 2 -رُنیاں: 1) روئیاں

(رُنن: روون)، 2) روونہاراں - 3 -جریندے: جردے، سہندے (جرن: سہن، سہارن، جھلن)- 4 -سُوہ: خبر، سار- سُوہ کڈھن: خبر لبھ لینا-