راتیں سمن1 لگی نے میں
تُرت سنبھل
ترِکھّی2 قلم بھوَا
کافی ہِک لِکھ ساہویں دھری
ساتھناں اسیں
رَتہ وی گھابر ٹوہیاں نہیں
بھریاں سِیر3 ولٹوہِیاں ہاں
تسِیاں رَلیاں نُوں
دِھجا4 پیالن لئی،
سویلے اُٹھ میں لِکھی رات دی
چھاپن جوگ نویں کھرڑے5 وِچ
دھرن لئی بھالاں
تے اوہ مِلے کِتے نہ،
اوڑک سہی تِھیا
ایہہ نینہل1 سُپنا اے
سجرا اچیتوں سریا
1- سمن: سَون- 2- ترِکھی: تیز- 3- سِیر: سانجھ- 4- دھجا: یقین، اعتبار، تسَلّی- 5- کھرڑا: متن-
- نینہل: نینہہوالا، محبت بھریا-