تیر میر دُوئی دیاں پلنگاں اُتے سُتے
جاگن کیویں،
اوہ سُتے ای رہندے نیں
سُتے سُتے ای کھاوندے پاوندے
سُتے ای اُٹھدے بہندے
چڑھدے لہندے نیں،
تیر میر جے کرن اپنا پرتاوا1 تاں سَت سنجانن
تیر ریت ہو بھوئیں دا انگ تِھیوے
میر ریم2 ہو رَل ریت وِچ سُک ونجے
جگ توں مَل ورتاوا اصلوں مُک ونجے
دھرتی تے وت وسّے سنیہل اِکتائی
اُگ سَرے اوہ آس
بی جیہدا نِت گڈیا خُدائی، پر مِٹیوں باہر نہ اوہ آئی
1- پرتاوا: اُلٹاء-2 -رِیم: 1) پِیپ، پاک، 2) مَیل-