بُرکی مُونہہ وِچ پاون لگاں
ویہناں ترِڈی پیر مینڈے ول سرکے پئی
پیر ہلائم کِھسک پرے تھئی
سُنّ، نشان جیہا
مر تے نہیں گئی؟
پیر میں وت کھڑکیناں
اوہ تُرت پریرے
پئی مُچھ بھوئیں تے پھیرے
دو ای وال نیں مُچھ دے لمّے
اِک سجے اِک کھبے
ونجھ نیں ایہہ بیڑی دے
اِکے سُنڈاں نیں دو ایس ہتھنی دِیاں
گالھڑی دے اگلے پیر
اِکے بانہیں اساڈیاں نیں
میں گویڑناں پیا تے ویہناں ترِڈی اُتھاں کوئی نہ
خبرے چھوڑ گئی اے شہر