فرید بھنڈار

''آہو، ایہا لہور اے

لہاونہارا،

پت ایتھے جاں لہندی اے

تاں ای لہائی ڈِھڈ کشکولے پَیندی اے''

''کیہڑا شہر اے نِکّا وڈا

جِتھاں لا اور لاہ ہور اوڈر نہیں چلدا''

''مُلتان شہر نہیں؟''

''کیوں نہیں، مُلتان تے مُلّ تا

سِروں پیروں واہنیاں نُوں

تناں تے سٹ کے سُکنے پاوندا اے''

''ایہناں دونہاں نالوں

سو سو گُنا اگیرے دُنیا تے ہور شہر وی نیں''

''پُورا جہان ای شہر نہیں؟''

''ہے اے

تاہیوں تے ساہ وِچ جی جی دے

زہر قہر پیا نِسردا اے''

''ہے وی تے نہیں وی''

''اوہ کیویں''

''آؤ ساہ نتار کے اِک ویکھنے آں نا اپنا

اندرو اندریں سَردا اوہدا پرتاوا وی''