پھد ریڑھی والے کنوں گٹھی دھنیا
میں گھر ول پئی آونی آں
ہتھ نوں ایویں جھٹک جیہی آئی
مُڑ ویکھاں تاں بکری کھلی اے
ایہنے دھنیا ٹُھنگیائے؟
میں گٹھی اوہدے مُونہہ لائی
اوس نہ چھوہی
چُپ کَھلی پئی ویکھے مینوں
جیویں کہانی کرنی سُو کوئی
ہتھ لک تے دھریم
نال مینڈے اوہ لگ گئی
”بس او بیبی بس“
ادھکڑ تنبا ٹُنگی آیائے
”دُدھ مُکائی کھلی اے دھاراں دے یاراں نوں
گشتی
مال قصائیاں دا“
کنوں چِھکدا نال لے گیائے