فرید بھنڈار

‘‘نہیں ایہہ مگروں لہندی

اِکو گل تُسیں کیتی آوندے او سارے

ایسے گل دی گولی کھا کے سَوندے او

سُنیائے نیندر نہیں راتیں پیندی

آہندے او جے کوئی پُچھے تے

‘ایسے اِک وِچ سبھے نیں

سبھ وِچ اِکو ایہو’

انّھی عقل نوں 

صُوف دی کالی عینک لاء لُکاؤندے او’’

‘‘دسو ہور تُسیں

کھولو نظر اساڈی’’

‘‘میاں سِدھی گل اے کرنی اک پل دی

نہیں دوجی نال رلدی

جیہڑی اِک واری چل گئی گولی اوہ مُڑ نہیں چلدی’’

‘‘ایہہ وی تے دسّو نا

سائنس کِتے دی کِتے پونہچ گئی

ہماتڑاں پاء پڑھیاں نوں خبرے خبر نہ ہووے،

اِکو ای گولی نہیں؟

جیہڑی امریکہ توں افریقہ تائیں چل چل پئی کھلووے؟’’