مائی انھیری بنھ چھڈی آ کانہہ جوگی
دیوے سورج نہ ساڈی واری
کھمب ترٹی کائی ال پئی چڑھے اڈاری
دھمی پتن بچونگڑ تلیاں
ساہ سوڑے مجھیاں دے
اُنجے ٹکیاں پرانیاں بتیاں
نہ جاء کتے کھیڈن نوں
ساڈی دھکھدی تے دھوڑ کیہہ سٹی آ
انھیری بنھ چھڈی آ کانہہ جوگی
بچڑا انھیری میں نہ بنھی
ایہہ تاں بنھی سیانیاں کاواں
جیہناں دے شہراں وچ ٹُکڑے
مائی ہنیری کد کُھلسی
بچڑا انھیری تد کُھلسی
بنھ پرھے جے شہریں دھاوَ
کانواں اُتے گھت پچھیاں
چم ایہدیاں اکھاں توں لاہو