ککھ بال کے بنیریاں تے دھرئیے جی ککھ بال کے
خبرے نظر کرن
نِت نہاریاں واٹاں جیہناں نوں ہوئیاں اوپریاں
جیہڑے آگئے کال دے گھیرے سُکھالیاں دی جُوہ بھالدے
گھول اکھر بُھلاونہارے
جیہناں نوں پوائے ویریاں
واء جاچ کے کنالیاں چ بھرئیے جی ککھ بال کے
اکھیں پگھر پون پتھرائیاں
ڈاڈھیاں دے کھوپے چاڑھ کے
جیہناں کھارے کھال وگائے
ہنیریاں نوں وَرئیے
متاں آپنا آپ ملائے
دم دے وساہ جِتنی
سُنج وِچ سینتر کرئیے جی
ککھ بال کے