فرید بھنڈار

''ڈَکّے کُھل گئے نیں''

''ہیں جی؟''

''آہو جی''

''کیویں پتہ جے''

''بَیٹھا نہیں ہویا ساہمنے تُہاڈے؟''

''کون؟ کُھلا ڈَکّا؟''

''نہیں، بند''

''تاں جیہدے ساہمنے بیٹھائے اوہ وی ڈکیا گیا''

''کُھلا کدوں ہا''

''کُھل سکدائے؟''

''ڈَکّا ڈَکّے نوں کیہ دسّے

ایہو نا

ہور کِتے جا لگ تُوں، ایتھے میں جو ہاں''

''سو جیہناں لایائے اوہا کھڑن''

''کِتھے''

''جِتھے وی لاؤنا نیں''

''اوہناں تے اپنے آپ تے لایا ہویائے سانوں سبھناں نُوں''

''چل وت رَل کُھلیئے،

اوہناں نُوں اوہناں دا

تے آپ نوں اپنا آپ مِلائیے''