پُتر جی ایہہ واجاں ویلے سِر گوڈ دیو
اج نہیں
جُگاں توں فصلاں وِچ ایہہ اُگدیاں آئیاں نیں
نِسرن نہیوں دینا ایہناں تیری پَیلی نوں،
مالکی تیری دس کیہ کِسے دا کھوہندی او
کم جیہڑے کردے نیں سِیر نہیں اپنا لیندے؟
دِھیاں ویاہوندے بال پڑھاؤندے،
اوکھے سوکھے ویلے تیرے کول آوندے
خالی گئے نیں کدیں؟
وڈیاں تیریاں نوں وی ایہہ ٹُھنگدیاں آئیاں نیں
ویلا ہور سی
تھدّا نوٹاں دا
وڈے قوال دے سِر تے ورھایا
کِسے غریب نوں حج کروایا
تیری تے جھولی ٹریکٹر ہویا لَیپ ٹَوپ ہویا