ایہنوں پُچھو کیہڑائے
کیوں اندر وڑ کے ٹُٹی کُھسی منجی دے وِچ پینگھ پوائی بیٹھائے
کیوں بُوہے جندرا مار کے باریاں اُٹھ اُٹھ کھولدائے
ایہنے دَسنا تے کُجھ نہیں
پر تُسیں پُچھنوں فرق نہ کرنا
تُسیں پُچھو کاہنوں آپنے آپ چ وڑ وڑ وِس پیا گھولنائیں؟
تینوں کیہڑے نیول مدھول کے سٹیائے؟
بھاویں اِک واری ٹوہیاں ست ست رنگ وٹا جائے
تُسیں پُچھنوں مول نہ ہٹنا
کدی لتاں چک کے لہندے کردائے
کدی پاسا پرت کے لک دی لاہوندائے
ایہنوں پُچھو
ایہدا ناں کیہ اے
تے کیہڑے رب ایہنوں گھلیائے کاہنوں گھلیائے
پیا آپنے آپ نوں کافر کافر آکھے
تُسیں گل نہ گولنا