فرید بھنڈار

پانی نِرنتر1 ہانی2 اے،

ایہو واہ3 ہے ایہو گاہ4

ایہو ساہ5 ہے ایہو وساہ6،

سُندا اے سبھ دی

سبھ نُوں اپنی سُناوندا اے،

پانی وِچ نِرتدی7 اے جاں سِیر8 مدھانی9

مِل پانی نُوں پانی نچدا گاوندا اے،

قبضے10 تناں 11 چوں کھور کے12 مَلّ13 دِیاں باندھاں 14 دے

ون سونِیاں 15 رانداں 16 رسائی17 آوندا اے

1- نِرنتر: 1) لگاتار، مسلسل، وقفے بغیر، 2) گُوڑھا، گھنا، 3) سچا/سچی، صدق وان، 4) اوہا ای، ہور نہیں، غیر نہیں، سوئی، سائی، 5) نِت پُورا/پُوری، سدا پُورن، ہمیشہ مکمل- 2- ہانی: 1) ساتھی، یار، بیلی، 2) اِکو عُمر دا، ہم عُمر، 3) اِکو ویلے دا، 4) برابر، اِکو جیڈا، اِکو زمانے دا (ہم عصر)- 3- واہ: 1) زمین دی واہی، ہل پِھرن، 2) واسطہ، تعلق، کنکشن، 3) کم کاج لئی ٹاکرا-4 -گاہ: کٹی فصل نوں دبا کے مَلن، چِھلڑ لاہ کے بی اِکٹھے کرن-5 - ساہ: سانس، دم، بریتھ- 6- وساہ: اعتبار، بھرواسا، پرتیت، ٹرسٹ، فیتھ-7 - نِرتدی: نچدی (نِرت: ناچ، ڈانس)- 8- سِیر: 1) سِیر، دُدھ، 2) سانجھ- 9- مدھانی: رِڑکن دا رَچھ- 10 -قبضے: پکڑاں، کنٹرول، اختیار، قابُو، دباء-11 -تن: سریر، بدن- 12-کھور کے: 1) پانی مار کے صاف کر کے، 2) حل کر کے، گال کے، گھول کے، پگھار کے-13- مَلّ: مالکی، ملکیت-14 -باندھاں: 1) کنڈھاں، 2) پابندیاں، مناہیاں -15 -ون سوَنیاں: ون پونیاں، رنگا رنگ دِیاں (ون: رنگ) کئیں قِسماں دِیاں - 16 -راند: کھیڈ، کھیال، ناٹک، ڈرامہ-17 -رسائی: رساون: 1) رس دار کرن، رسیل کرن، رس بھرن، 2) سوادی بناون، 3) پوہن، اثر کرن، اثردار بناون-